Xaricə səyahət edərkən əvvəlcədən həll etməli olduğun məsələlərdən biri də mobil internet bağlantısıdır. Xəritələrdən istifadə etmək, taksi sifariş etmək, rezervasiyaları yoxlamaq və yaxınlarınla əlaqə saxlamaq üçün internetə ehtiyacın olacaq.
Bunun üçün hər dəfə yerli SIM kart almağa və ya mövcud operatorunun rouminq xidmətindən istifadə etməyə ehtiyac yoxdur. Wayro eSIM-i ilə internet planını hələ yola düşməmişdən əvvəl əldə edə bilərsən.
Bəs ilk dəfə eSIM alarkən nələrə diqqət etməlisən? Telefonunun uyğunluğundan, internet planının seçiminə qədər bilməli olduğun əsas məqamları birlikdə nəzərdən keçirək. Planları kəşf et
eSIM nədir və necə işləyir?
eSIM telefonuna inteqrasiya olunmuş rəqəmsal SIM kartdır. Adi SIM kartdan fərqli olaraq, onu fiziki şəkildə telefona yerləşdirməyə ehtiyac yoxdur.
eSIM ilə gedəcəyin ölkəyə uyğun internet planı seçir, onu telefonuna quraşdırır və təyinat yerinə çatdıqda mobil internetdən istifadə etməyə başlayırsan. Beləliklə, səfər edəcəyin ölkəyə çatdıqdan sonra yeni SIM kart axtarmağa və ya mövcud kartını dəyişməyə ehtiyac qalmır.
Telefonumun eSIM-i dəstəklədiyini necə öyrənə bilərəm?
İlk eSIM planını almamışdan əvvəl telefonunun bu texnologiyanı dəstəklədiyinə əmin olmalısan.
Apple, Samsung, Google və digər istehsalçıların bir çox yeni smartfon modeli eSIM ilə uyğun olsa da, bu funksiya bütün cihazlarda mövcud deyil.
Bunun üçün telefonunun mobil şəbəkə parametrlərində eSIM əlavə etmək seçimini yoxlaya və ya Wayro saytındakı cihaz uyğunluğu bölməsindən istifadə edə bilərsən. Cihaz uyğunluğunu yoxla
İnternet planı seçərkən nələrə diqqət etməliyəm?
Uyğun internet planını seçmək üçün üç əsas məqamı nəzərə almağın kifayətdir:
Səyahət istiqaməti: Seçdiyin plan gedəcəyin ölkəni əhatə etməlidir. Bir neçə ölkəyə səfər edəcəksənsə, regional və ya qlobal planlar daha uyğun seçim ola bilər.
Səfərin müddəti: Planın istifadə müddəti səyahət günlərinə uyğun olmalıdır. Məsələn, 10 günlük səfər üçün 7 günlük plan seçmək internetinin səfər bitməmiş dayanmasına səbəb ola bilər.
Data həcmi: İnternet ehtiyacın telefondan necə istifadə etdiyindən asılıdır. Mesajlaşma və gündəlik istifadə üçün kiçik plan kifayət edə bilər, aktiv sosial media və video istifadəsi isə daha böyük data həcmi tələb edir.
Bu məqamları əvvəlcədən nəzərə almaq həm internetinin kifayət etməsinə, həm də ehtiyacından artıq data üçün ödəniş etməməyinə kömək edəcək. Planlara bax
eSIM-i nə vaxt quraşdırmalıyam?
eSIM-i quraşdırmaq üçün ən uyğun vaxt səyahətdən əvvəl, stabil Wi-Fi bağlantısının olduğu zamandır.
Wayro tətbiqində internet planını aldıqdan sonra "eSIM-lərim" bölməsinə daxil olub quraşdırma təlimatlarını izləyə bilərsən.
Ancaq unutma ki, eSIM-in quraşdırılması ilə planın aktivləşməsi fərqli mərhələlərdir. Bəzi planların istifadə müddəti ilk dəfə dəstəklənən şəbəkəyə qoşulduqda, digərlərinin isə daha erkən başlaya bilər.
Buna görə planının aktivləşmə şərtlərini əvvəlcədən yoxlamaq vacibdir. Quraşdırma təlimatına bax
eSIM istifadə edərkən əsas nömrəm aktiv qalacaq?
Əgər telefonun Dual SIM funksiyasını dəstəkləyirsə, əsas nömrəni aktiv saxlayaraq internet üçün Wayro eSIM-dən istifadə edə bilərsən.
Bu halda WhatsApp və Telegram kimi tətbiqlərdə mövcud hesablarınla yazışmağa və internet üzərindən zənglər etməyə davam edə bilərsən.
Lakin nəzərə al ki, Wayro eSIM bəzi planlar istisna olmaqla yalnız mobil internet təqdim edir. Əsas nömrənlə adi zəng və SMS xidmətlərindən istifadə isə operatorunun rouminq tariflərinə əsasən əlavə xərc yarada bilər.
Data Rouminq funksiyasını aktivləşdirmək lazımdır?
İnternet bağlantısı üçün Data Rouminq funksiyasının aktiv olması tələb oluna bilər.
Wayro eSIM-dən istifadə edərkən planın təlimatlarına uyğun olaraq bu funksiyanı eSIM xəttində aktivləşdirməli, əsas SIM kartında isə deaktiv saxlamalısan.
Həmçinin telefonunun parametrlərində mobil internet üçün Wayro eSIM-in seçildiyinə əmin ol. Bu, əsas nömrən üzərindən gözlənilməz rouminq internet xərclərinin qarşısını almağa kömək edəcək.
İlk eSIM təcrübən düzgün seçimlə başlasın. eSIM-dən istifadə etmək üçün mürəkkəb texniki biliklərə ehtiyac yoxdur. Əsas məsələ uyğun cihazı, doğru internet planını və bağlantı parametrlərini əvvəlcədən yoxlamaqdır.
Wayro ilə 200-dən çox istiqamət arasından səyahət edəcəyin yeri seçə, ehtiyacına uyğun internet planını əldə edə və eSIM-ini hələ yola düşməmişdən əvvəl quraşdıra bilərsən.
Beləliklə, təyinat nöqtəsinə çatdıqda internet bağlantınla bağlı hazırlıqların artıq tamamlanmış olar.
